Թուրքիայի և Սիրիայի ներկայացուցիչները հանդիպել են Ադրբեջանում

Ադրբեջանում կայացել է Իսրայելի և Թուրքիայի ներկայացուցիչների հանդիպումը։

APA-ի փոխանցմամբ՝ այս մասին հայտնել են Թուրքիայի ազգային պաշտպանության նախարարության աղբյուրները։

Նախօրեին Ադրբեջանում տեղի է ունեցել Թուրքիայի և Իսրայելի ներկայացուցիչների տեխնիկական հանդիպում Սիրիայում անցանկալի միջադեպերը կանխելու համար՝ դեէսկալացիայի մեխանիզմ ստեղծելու նպատակով։

Թուրքիայի արտգործնախարար Հաքան Ֆիդանն ավելի վաղ ընդգծել էր, որ հանդիպումը չի նշանակում Իսրայելի հետ հարաբերությունների կարգավորում։

Հիշեցնենք՝ ապրիլի սկզբին Իսրայելի ռազմաօդային ուժերը հարվածել են սիրիական Համա և Ալ-Թիյաս ավիաբազաներին, որտեղ Թուրքիան ծրագրում էր տեղակայել իր ուժերը։ Հարձակումն իրականացվել է հենց այն պահին, երբ թուրքական հրամանատարությունը պատրաստվում էր իր մասնագետներին ուղարկել հենակետեր՝ օբյեկտների տեխնիկական վիճակը գնահատելու համար։