«Ադրբեջանը և Չինաստանը կհամագործակցեն ռազմարդյունաբերության ոլորտում»․ Ալիև

496

Հինգշաբթի, 10 ապրիլի, 2025 թ., 15:09

Ադրբեջանը և Չինաստանը երկխոսություն են սկսում պաշտպանական արդյունաբերության ոլորտում համագործակցության շուրջ, հայտարարել է Ադրբեջանի նախագահ Իլհամ Ալիևը։

«Մենք երկխոսություն ենք սկսում պաշտպանական արդյունաբերության ոլորտում համագործակցության շուրջ և կարծում ենք, որ դա կարող է շատ խոստումնալից գործընթաց լինել, քանի որ Ադրբեջանը շարունակում է արդիականացնել իր զինված ուժերը», - ասել է Ալիևը։

Պետության ղեկավարը նշել է, որ Բաքուն և Պեկինը 2024 թվականին ստորագրել են Ռազմավարական գործընկերության մասին հռչակագիր, որը «շատ կարևոր հանգրվան է երկկողմ հարաբերություններում, քանի որ Չինաստանի նման մեծ երկրի հետ համագործակցությամբ ռազմավարական գործընկերության ձևաչափի առկայությունը, իհարկե, չափազանց կարևոր է մեզ համար», ասել է Ադրբեջանի նախագահը։