Նյու Յորքում ուղղաթիռի կործանման հետևանքով 6 մարդ է զոհվել

1477

Ուրբաթ, 11 ապրիլի, 2025 թ., 09:33

Հինգշաբթի Նյու Յորքում ուղղաթիռի կործանման հետևանքով առնվազն վեց մարդ է զոհվել, հայտնում են ամերիկյան լրատվամիջոցները։

Ուղղաթիռն ընկել է Հադսոն գետը։
Նյու Յորքի պաշտոնյաներն ու փրկարարները հայտնել են, որ ուղղաթիռում եղել են օդաչուն և զբոսաշրջիկների ընտանիք Իսպանիայից՝ երկու մեծահասակ և երեք երեխա:
Աղետի պատճառները դեռևս անհայտ են։
Ուղղաթիռը կործանվել է Նյու Յորքի պատմական կենտրոնի՝ Ստորին Մանհեթենի մոտ, Հուդսոն գետի հակառակ ափին, որտեղ Նյու Ջերսի Սիթին է։