Երկուշաբթի, 02 հունիսի, 2025 թ.
|
Ստեփանակերտում`   +26 °C

Նյու Յորքում կործանված ուղղաթիռի զոհերի թվում էին Siemens-ի ղեկավարն ու նրա ընտանիքը

Նյու Յորքում կործանված ուղղաթիռի զոհերի թվում էին Siemens-ի ղեկավարն ու նրա ընտանիքը
1762
Ուրբաթ, 11 ապրիլի, 2025 թ., 09:57

Siemens-ի իսպանական մասնաճյուղի ղեկավար Ավգուստին Էսկոբարը, նրա կինը և երեք երեխաները զոհվել են Նյու Յորքում ուղղաթիռի վթարի հետևանքով, հայտնում են ամերիկյան լրատվամիջոցները՝ վկայակոչելով Նյու Յորքի քաղաքապետ Էրիկ Ադամսին։
Ավելի վաղ հաղորդվել էր, որ ապրիլի 10-ին, ժամը 15:15-ին (Երևանի ժամանակով՝ 23:15-ին) ուղղաթիռը, որտեղ գտնվել է վեց մարդ (հինգ ուղևոր և օդաչու) ընկել է Հադսոն գետը, ոչ ոք ողջ չի մնացել:
Նյու Յորքի քաղաքապետի խոսքով՝ Էսկոբարն իր ընտանիքի հետ ինքնաթիռով ժամանել է Իսպանիայից։
Վթարի պատճառները պարզելու համար հետաքննություն է սկսվել։