Հնդկաստանում կայծակի հարվածից 25 մարդ է զոհվել

1919

Ուրբաթ, 11 ապրիլի, 2025 թ., 11:21

Հնդկաստանի արևելյան Բիհարի նահանգում կայծակի հարվածների հետևանքով առնվազն 25 մարդ է զոհվել։

Այս մասին հաղորդում է Press Trust of India գործակալությունը։

Նահանգի իշխանությունների հրապարակած հայտարարության համաձայն՝ Նալանդի շրջանում հայտնել են 18 զոհի մասին, ևս մի քանի մարդ զոհվել է այլ շրջաններում։

Միևնույն ժամանակ, տեղական քաղաքական կուսակցություններից մեկի առաջնորդ Թեջաշվի Յադավը X սոցիալական հարթակում հայտնել է, որ ապրիլի 10-ին տարերքը տարածաշրջանում ավելի քան 50 մարդու կյանք է խլել։