Հինգշաբթի, 09 հոկտեմբերի, 2025 թ.
|
Ստեփանակերտում`   +23 °C

Սումիում հարվածների թիրախը եղել է զինվորների պարգևատրման արարողության դահլիճը. զոհերի թիվը հասել է 32-ի

Սումիում հարվածների թիրախը եղել է զինվորների պարգևատրման արարողության դահլիճը. զոհերի թիվը հասել է 32-ի
1147
Կիրակի, 13 ապրիլի, 2025 թ., 18:13

Գերագույն Ռադայի նախկին պատգամավոր Իգոր Մոսիյչուկը պնդում է, որ Սումիին ռուսական հարվածի նպատակը 117-րդ տարածքային պաշտպանության բրիգադի մարտիկների պարգևատրման արարողությունն է եղել։

«Հուսով եմ, որ Սումիում նրանք արդեն կալանավորում են մարզային զինվորական վարչության ղեկավար Արտյուխին և պատգամավոր Անանչենկոյին (Սումիի պատգամավոր «Ժողովրդի ծառա» իշխող կուսակցությունից), ովքեր այդքան ցանկանում էին PR անել 117-րդ բրիգադի զինվորների 7-րդ տարեդարձի կապակցությամբ կազմակերպված տոնական մրցանակաբաշխության ժամանակ: Անտեղ, բացի զինվորականներից, քաղաքացիական անձինք և երեխաներ են ներկա եղել»,- Մոսիյչուկի խոսքը մեջբերում է ուկրաինական Strana-ն։

Պատգամավոր Մարյանա Բեզուգլայան նույնպես պնդում է, որ նախատեսված է եղել 117-րդ բրիգադի մարտիկների տոնական պարգևատրման արարողություն։ Նրա խոսքով, տեղեկատվության արտահոսքի պատճառը կարող էր լինել մարզային զինվորական վարչության ղեկավարության կողմից միջոցառմանը մասնակցելու բաց հրավերներ ուղարկելը:

Ուկրաինայի իշխանությունները պաշտոնապես չեն հաղորդել Սումի զինվորականների ժամանման մասին։

Ուկրաինայի արտակարգ իրավիճակների պետական ​​ծառայության տվյալներով՝ Սումիին ռուսական հարվածի վիրավորների ընդհանուր թիվը հասել է 99-ի, այդ թվում՝ 11 երեխա, 32 մարդ զոհվել է։