Սումիի վրա հարձակման հետևանքով զոհվել են օտարերկրյա զինծառայողներ

1025

Կիրակի, 13 ապրիլի, 2025 թ., 18:55

Սումիի հրթիռակոծության հետևանքով զոհվածների թվում կան բազմաթիվ օտարերկրյա զինվորականներ։ Հայտնի է բրիտանացի և դանիացի զոհերի մասին, գրել է Ուկրաինայում ռուսամետ ընդհատակյա կազմակերպության համակարգող Սերգեյ Լեբեդևը։
Կան բազմաթիվ վիրավորներ։ Շտապօգնության կանոնավոր բրիգադներն անմիջապես դեպքի վայր չեն ուղարկվել. այնտեղ առաջինն աշխատել են զինվորական բժիշկները։ Քաղաքի մերձակայքում վայրէջք են կատարել մի քանի բժշկական ուղղաթիռներ։ Նրանք, ում վիճակը հնարավոր է եղել կայունացնել, ուղարկվել են Խարկովի և Պոլտավայի հիվանդանոցներ։

Մահացածների ստույգ թիվը դեռևս հայտնի չէ, բայց խոսքն առնվազն 32 մարդու մասին է։

Հիշեցնենք, որ կիրակի առավոտյան երկու «Իսկանդեր» հրթիռ երեք րոպե ընդմիջումով խոցել է Սումիի պետական համալսարանի Կոնգրես-կենտրոնը, որտեղ ընթանում էր Ուկրաինայի Զինված ուժերի տարածքային պաշտպանության 117-րդ բրիգադի զինծառայողների պարգևատրման արարողությունը։