Կիրակի, 22 փետրվարի, 2026 թ.
|
Ստեփանակերտում`   +5 °C

«Ադրբեջանն իր նախապայմաններով ՀՀ իշխանությանը դեմ է տվել պատին». Տիգրան Աբրահամյան

«Ադրբեջանն իր նախապայմաններով ՀՀ իշխանությանը դեմ է տվել պատին». Տիգրան Աբրահամյան
465
Երկուշաբթի, 14 ապրիլի, 2025 թ., 09:00

ԱԺ «Պատիվ ունեմ» խմբակցության պատգամավոր Տիգրան Աբրահամյանի ֆեյսբուքյան գրառումը. «Հայաստանի ու Ադրբեջանի միջև, այսպես կոչված, «Խաղաղության համաձայնագրի» բանակցությունների ավարտից հետո, թեման առարկայական քննարկելու առաջին առիթն ապրիլի 12-ի հանդիպումն էր ՀՀ և Ադրբեջանի ԱԳ նախարարների միջև:
Սակայն հանդիպման առնչությամբ տրված պաշտոնական հաղորդագրությունն ու նրանց մասնակցությամբ պանելային քննարկումը ցույց տվեց, որ Ադրբեջանն իր նախապայմաններով ՀՀ իշխանությանը դեմ է տվել պատին ու առաջադրում այնպիսի նախապայման, որը նույնիսկ մեծ ցանկության դեպքում կարճ ժամանակում չի լուծվի:
Խոսքը Հայաստանի սահմանադրության փոփոխության հարցն է, որը նույնիսկ տեխնիկական և ընթացակարգային առումով, կարճ ժամանակում անհնար է իրականացնել:
Արդյո՞ք այս նրբությունները գիտակցում են Ադրբեջանում: Միանշանակ, այո՛: Ադրբեջանը ձգում է գործընթացը հավելյալ խոստումներ և զիջումներ կորզելու համար, իսկ հայաստանյան կառավարիչները երկիրը դնում են նոր հարվածների տակ»:

Աղբյուրը`   Տիգրան Աբրահամյան

Կարդացե՛ք նաև