«Տարածքները կվերադարձնենք. ե՞րբ և ինչպե՞ս՝ չգիտեմ»․ Զելենսկի

CBS-ին տված հարցազրույցում Ուկրաինայի նախագահ Վլադիմիր Զելենսկին անդրադարձել է Ռուսաստանի վերահսկողության տակ գտնվող տարածքների վերադարձի հեռանկարին՝ ընդգծելով, որ արդար, խաղաղ կարգավորումը պետք է երաշխավորի Ուկրաինայի ինքնիշխանությունն ու անկախությունը։

«Կարևորը՝ չկորցնել մեր ինքնիշխանությունը կամ անկախությունը... Մենք տարածքները կվերադարձնենք. ե՞րբ և ինչպե՞ս՝ չեմ կարող ասել»,- նշել է Ուկրաինայի նախագահը։

«Փաստն այն է, որ մենք չենք կարող վստահել Ռուսաստանի հետ բանակցություններին։ ՌԴ զինված ուժերը սպանել են մինչև 100 հազար ուկրաինացի զինվորականների և 13 հազար խաղաղ բնակիչների», CBS-ի փոխանցմամբ՝ ասել է Զելենսկին։

«Եթե ​​Պուտինին չկանգնեցնեն, պատերազմը սպառնում է վերածվել համաշխարհայինի»,- հավելել է նա։