«Մոսկվան չի հայտնվի ԱՄՆ-ի թակարդում»․ Լավրով

Մոսկվան գիտի՝ ինչպես ԱՄՆ նախագահ Դոնալդ Թրամփի հետ գործարքի գնալ, որ Ռուսաստանը ծուղակում չհայտնվի, «Կոմերսանտ»-ին տված հարցազրույցում ասել է ՌԴ արտգործնախարար Սերգեյ Լավրովը։
«Այժմ, երբ մեզ առաջարկում են նորմալ (ինչպես Դոնալդ Թրամփն է ասում) «գործարքներ», մենք դա լավ իմաստով ենք ընկալում: Մենք հիանալի հասկանում ենք, թե ինչպիսին պետք է լինի փոխշահավետ գործարքը, որը մենք երբեք չենք մերժել, և ինչ տեսք ունի գործարքը, որը կարող է մեզ մեկ այլ «ծուղակ գցել»:
Լավրովի խոսքով՝ Թրամփի արտաքին քաղաքականությունը հիմնված է ԱՄՆ-ի ազգային շահերի պաշտպանության վրա, սակայն ԱՄՆ նախագահը պատրաստ է երկխոսության այլ երկրների հետ, երբ այդ շահերը համընկնում են։ Լավրովն այս մոտեցումը քննարկման արժանի է համարել։
Միաժամանակ ԱԳՆ ղեկավարն ընդգծել է, որ Վաշինգթոնի հետ հարաբերությունների վերականգնումից հետո Մոսկվան չպետք է թույլ տա տնտեսական, տեխնիկական, ռազմական և այլ ոլորտներում կախվածության կրկնություն։