«Ռուբիոն և Ֆիդանը քննարկել են Իրանից բխող սպառնալիքները»․ Պետդեպ

ԱՄՆ պետքարտուղարության խոսնակ Թեմմի Բրյուսը հայտնել է, որ պետքարտուղար Մարկո Ռուբիոն հեռախոսազրույց է ունեցել Թուրքիայի արտգործնախարար Հաքան Ֆիդանի հետ։

Հաղորդագրության համաձայն՝ կողմերը քննարկել են Իրանի և նրա վստահված կառույցների կողմից տարածաշրջանային անվտանգությանն ու կայունությանը սպառնացող վտանգները։

«Նրանք միակարծիք էին ահաբեկչության դեմ պայքարի և ՆԱՏՕ-ի ամրապնդման գործում համագործակցության կարևորության շուրջ»,- ասվում է հաղորդագրության մեջ։