«Ամեն ինչ դժվար է տրվում». Մալխաս Ամոյան

«Զգացողություններս անբացատրելի են, մեծ պարտավորություն է: Ուրախ ու հպարտ պահեր եմ ապրել, որի համար շնորհակալ եմ Աստծուն, մարզիչներիս, ընկերներիս, ինձ օգնող մարդկանց: Պայքարն է՛լ ավելի է բարդանում, է՛լ ավելի են քո դեմ պատրաստվում, դրա համար ամեն ինչ դժվար է տրվում»,- օդանավակայանում, լրագրողների հետ զրույցում, ասել է Մալխաս Ամոյանը:

Հիշեցնենք՝ Սլովակիայում անցկացված ըմբշամարտի Եվրոպայի առաջնությունում Հայաստանի ներկայացուցիչ, 77 կգ քաշային Մալխաս Ամոյանը կարիերայում չորրորդ անգամ արժանացել է չեմպիոնի կոչմանը՝ եզրափակչում 3։1 հաշվով վստահ առավելության հասնելով վրացի Ռամազ Զոյձեի նկատմամբ։
Փարիզի Օլիմպիական խաղերի բրոնզե մեդալակիր, աշխարհի չեմպիոն Մալխաս Ամոյանը պայքարը սկսել էր 1/8 եզրափակչից, որտեղ ժամանակից շուտ 9:0 հաշվով առավելության էր հասել աշխարհի և Եվրոպայի փոխչեմպիոն, լեհ Մատեուշ Բենրատեկի նկատմամբ: Քառորդ եզրափակչում Ամոյանը 7:2 հաշվով հաղթել էր մոլդովացի Ալեքսանդր Սոլովեյին, իսկ կիսաեզրափակչում 5։1 հաշվով ուժեղ էր գտնվել Բուլղարիան ներկայացնող Հայկ Մնացականյանից: