«Պաղեստինյան պետությունը պլացդարմ կդառնա իրանական ահաբեկչության համար»․ Նեթանյահու

Իսրայելի վարչապետ Բենյամին Նեթանյահուն հեռախոսազրույց է ունեցել Ֆրանսիայի նախագահ Էմանուել Մակրոնի հետ։ Զրույցի ընթացքում Իսրայելի կառավարության ղեկավարը վճռականորեն մերժել է պաղեստինյան պետություն ստեղծելու գաղափարը՝ ընդգծելով, որ նման որոշումը էական խթան կհանդիսանա ահաբեկչության համար, հայտնում է Նեթանյահուի գրասենյակը։

«Իսրայելական բնակավայրերի հարևանությամբ ստեղծված պաղեստինյան պետությունը պլացդարմ կդառնա իրանական ահաբեկչության համար», ասել է Նեթանյահուն:

Նրա խոսքով՝ իսրայելցիների ճնշող մեծամասնությունը կտրականապես դեմ է նման հեռանկարին։

Ավելի վաղ Մակրոնը հայտարարել էր, որ Ֆրանսիան հունիսին կարող է ճանաչել Պաղեստինի պետությունը։