«Ուրանի հարստացման հարցը քննարկման ենթակա չէ»․ Արաղչի

Իրանում ուրանի հարստացումը ընդունված փաստ է, և, հակառակ արևմտյան երկրներում դրա մակարդակի հետ կապված պոտենցիալ մտահոգություններին, Միացյալ Նահանգների հետ բանակցություններում ուրանի հարստացման հարցը քննարկման ենթակա չէ։ Այս մասին հասյտնել է Իրանի արտգործնախարար Աբբաս Արաղչին։
«Ուրանի հարստացումն իրողություն է, ընդունված փաստ։ Մենք պատրաստ ենք ամրապնդել վստահությունը (ամերիկյան կողմի հետ)՝ չնայած հնարավոր մտահոգություններին, բայց ուրանի հարստացման հարցը քննարկման ենթակա չէ»,- իրանական SNN-ի փոխանցմամբ՝ ասել է Արաղչին։
Հիշեցնենք՝ ապրիլի 12-ին Օմանում անուղղակի բանակցություններ են տեղի ունեցել Մերձավոր Արևելքի հարցերով ԱՄՆ նախագահի բանագնաց Սթիվ Ուիթքոֆի և Իրանի արտգործնախարար Աբբաս Արաղչիի միջև։ Ուիթքոֆի խոսքով՝ դրանք դրական և կառուցողական էին։

Բանակցությունների երկրորդ փուլը տեղի կունենա ապրիլի 19-ին։

Ուիթքոֆն ավելի վաղ հայտնել էր, որ բանակցությունների երկրորդ փուլին կքննարկվի Թեհրանում ուրանի հարստացման մակարդակի և միջուկային սպառազինության սահմանափակման: