«Թեհրանը պատրաստ է աջակցել Երևանի և Բաքվի միջև խաղաղության հաստատմանը»․ Ռավանչի

Թեհրանը հավատարիմ է հարևան երկրների հետ բարիդրացիությանը և պատրաստ է աջակցել Երևանին և Բաքվին խաղաղության հասնելու համար։

Իրանական լրատվամիջոցների փոխանցմամբ՝ այս մասին հայտարարել է Իրանի փոխարտգործնախարար Մաջիդ Թախտ-Ռավանչին։

Փոխարտգործնախարարն ընդգծել է Հայաստանի և Ադրբեջանի միջև խաղաղության համաձայնագրի կարևորությունը տարածաշրջանային կայունության համար և երկու երկրներին կոչ արել՝ կենտրոնանալ ապագայի վրա։

Ռավանչին նշել է, որ խաղաղ ապագա ապահովելու համար անհրաժեշտ է տարածաշրջանային համագործակցություն՝ հիմնված փոխադարձ հարգանքի և միջազգային իրավունքի վրա։