Կիրակի, 01 հունիսի, 2025 թ.
|
Ստեփանակերտում`   +28 °C

«ԱՄՆ-ն Փարիզում կքննարկի Ուկրաինայում հրադադարի հարցը»․ Պետդեպ

«ԱՄՆ-ն Փարիզում կքննարկի Ուկրաինայում հրադադարի հարցը»․ Պետդեպ
573
Հինգշաբթի, 17 ապրիլի, 2025 թ., 17:27

ԱՄՆ պաշտոնյաները Փարիզում եվրոպացի գործընկերների հետ կքննարկեն Ուկրաինայում հրադադար հաստատելու ուղիները, Fox News-ի եթերում ասել է Պետդեպարտամենտի խոսնակ Թեմմի Բրյուսը։
«Պետքարտուղար Մարկո Ռուբիոն այժմ Փարիզում է՝ իր եվրոպացի գործընկերների հետ շտապ քննարկելու իրավիճակը»,- ​​ասել է Բրյուսը։
Նրա խոսքով՝ ԱՄՆ նախագահ Դոնալդ Թրամփը վճռական է պատերազմը դադարեցնելու հարցում։

«Այն, ինչ տեղի է ունենում, անընդունելի է: Աշխարհը ցանկանում է, որ դրան վերջ տրվի: Այս հակամարտությունում հաղթողներ չկան»,- ընդգծել է նա:

Բրյուսը հավելել է, որ Ուկրաինան արդեն հրադադարի ցանկություն է հայտնել, և Միացյալ Նահանգները, այդ թվում՝ Պետդեպարտամենտը և անձամբ պետքարտուղար Մարկո Ռուբիոն, աշխատում են այն ուղղությամբ, որ Եվրոպայում գործընկերները հասկանան «հարցի հրատապությունը»։

Հիշեցնենք Ուկրաինայի մասնակցությամբ Փարիզում բանակցություններ են ընթանում եվրոպական մի շարք երկրների, մասնավորապես, Մեծ Բրիտանիայի, Գերմանիայի և Ֆրանսիայի ներկայացուցիչների հետ, որրոնց միացել է ԱՄն պատվիրակությունը։ Բանակցությունների թեման Ուկրաինայի և ողջ Եվրոպայի անվտանգության հարցերն են։