Հռոմի պապը կոչ է անում Հայաստանին և Ադրբեջանին հնարավորինս շուտ կնքել խաղաղության համաձայնագիր

Հռոմի Ֆրանցիսկոս պապն իր Սուրբ Զատիկի ուղերձում կոչ է արել Հայաստանին և Ադրբեջանին շուտափույթ կնքել խաղաղության համաձայնություն:
Ըստ Vatican News-ի՝ պոնտիֆիկոսը հույս է հայտնել, որ երկու երկրների միջև վերջնական հաշտեցում կլինի՝ հանուն տարածաշրջանի վերականգնման։
Ֆրանցիսկոսն իր խոսքում անդրադարձել է աբողջ աշխարհի հակամարտող կողմերին՝ ընդգծելով, որ իրական խաղաղությունն անհնար է առանց կրոնի, խոսքի և մտքի ազատության, ինչպես նաև առանց ուրիշների կարծիքի հարգանքի։
«Խաղաղությունն անհնար է առանց զինաթափման: Հասկանալով յուրաքանչյուր ազգի՝ սեփական պաշտպանությունն ապահովելու անհրաժեշտությունը՝ կարևոր է կանխել այն, որ դա վերածվի սպառազինությունների գլոբալ մրցավազքի»,- ասվել է ուղերձում։
Հռոմի պապը նաև բանտարկյալների և գերիների շուտափույթ ազատման հույս է հայտնել։
Նշենք, որ երկարատև բուժումից հետո պապն անձամբ չի կարդացել տեքստը. Նրա Սուրբ Զատիկի պատգամն ընթերցել է արքեպիսկոպոս Դիեգո Ռավելլին Վատիկանի Սուրբ Պետրոսի հրապարակում տոնական պատարագի ժամանակ։