Գարիկ Կարապետյանը` Եվրոպայի չեմպիոն, Սիմոն Մարտիրոսյանը` արծաթե մեդալակիր

Հայաստանի տղամարդկանց հավաքականի անդամները՝ Սիմոն Մարտիրոսյանը (անձնական մարզիչ՝ Աշոտ Փիլոսյան) և Գարիկ Կարապետյանը (անձնական մարզիչ՝ Ալեքսան Կարապետյան), Եվրոպայի առաջնության մեդալակիրներ են:
Սիմոն Մարտիրոսյանը պոկում վարժությունում բարձրացրեց 181 կգ և այս ձևում դարձավ արծաթե մեդալակիր: Հրումում Սիմոնը գլխավերևում պահեց 213 կգ, 225կգ: Եվ այս ձևում էլ նա երկրորդն է:
Երկամարտի 406 կգ արդյունքով՝ Մարտիրոսյանը դարձավ արծաթե մեդալակիր:
Գարիկ Կարապետյանը պոկում վարժությունում նվաճեց ոսկե մեդալ՝ բարձրացնելով 180 կգ և 185 կգ: Հրում վարժությունում մեր ծանրորդը ֆիքսեց 212 կգ, 220 կգ, 226 կգ ու կրկին առաջինն էր:
Երկամարտի 411 կգ արդյունքով՝ Գարիկը Եվրոպայի առաջնության չեմպիոն է:
Հայաստանի ծանրամարտի տղամարդկանց հավաքականի գլխավոր մարզիչը Փաշիկ Ալավերդյանն է, իսկ ընտրանու մարզիչը՝ Հակոբ Փիլոսյանը: