Եմենում բնակելի թաղամասին ԱՄՆ հարվածներից 12 մարդ է զոհվել

Եմենի մայրաքաղաք Սանայի կենտրոնում գտնվող շուկային և բնակելի թաղամասին ԱՄՆ ավիահարվածների հետևանքով, նախնական տվյալներով, զոհվել է 12 և վիրավորվել 30 մարդ, հայտնում է շիա Անսար Ալլահի (Հութի) կառավարության առողջապահության նախարարությունը։
«Նախնական տվյալներով՝ շուկայի և Ֆարվա թաղամասի ուղղությամբ ԱՄՆ-ի ագրեսիայի հետևանքով զոհերի թիվը հասել է 12-ի, ևս 30-ը վիրավոր է»,- ասվում է Առողջապահության նախարարության հաղորդագրության մեջ, հայտնում է Եմենի Al Masirah հեռուստաալիքը։
Ըստ աղբյուրի՝ փրկարարները շարունակում են տուժածների որոնումները։

Ավելի վաղ ԱՄՆ օդային ուժերը հարվածներ էին հասցրել Եմենի արևմտյան Հոդեյդա նահանգի Ռաս Իսա նավթային նավահանգստին, ինչի հետևանքով, վերջին տվյալներով, զոհվել է 80 մարդ, վիրավորվել՝ ավելի քան 150-ը: