«Մոսկվային մտահոգում են ԵՄ-ին միանալու ՀՀ-ի ձգտումները». Գրուշկո

Մոսկվան մտահոգիչ է համարում Եվրոմիությանը միանալու Հայաստանի ձգտումները, քանի որ դա կարող է վտանգել նրա մասնակցությունը Եվրասիական տնտեսական միությանը: Այս մասին հայտնել է ՌԴ փոխարտգործնախարար Ալեքսանդր Գրուշկոն։

«Մոսկվան մտահոգված է ԵՄ-ին միանալու Երևանի ցանկությամբ, քանի որ դա հակասում է ԵԱՏՄ-ում Հայաստանի պարտավորություններին։ Ռուսական կողմը բազմիցս բարձրացրել է այդ հարցը հայ գործընկերների հետ շփումներում»,- ՏԱՍՍ-ի փոխանցմամբ՝ հայտնել է Գրուշկոն։

Նրա խոսքով՝ Հայաստանը տնտեսական ոլորտում զգալի հաջողությունների է հասնում ԵԱՏՄ-ում իր մասնակցության շնորհիվ։ Սակայն եթե արևմտյան բլոկը Հայաստանին դրդի փոխել իր ռազմավարական կուրսը, երկիրը վտանգում է կորցնել այդ առավելությունները և բախվել աշխարհաքաղաքական լուրջ մարտահրավերների։ Փոխնախարարը նշել է, որ նման զարգացումը կարող է թուլացնել Հայաստանի կապերը ՌԴ-ի և նրա մյուս ավանդական դաշնակիցների հետ։