Ծնվել է 44-օրյա պատերազմի ժամանակ զոհված Գրիշա Դանիելյանի եղբայրը

5660

Երեքշաբթի, 22 ապրիլի, 2025 թ., 18:06

Ծնվել է 44-օրյա պատերազմի ժամանակ զոհված Գրիշա Դանիելյանի եղբայրը՝ Ռոբերտը, հայտնում են «Շենգավիթ» ԲԿ-ից։

«Մայրը պատմում է, որ երկար ժամանակ ընտանիքը կասկածում էր՝ արդյոք պե՞տք է նորից երեխա ունենալ։ Հարցի պատասխանը եկավ երազի տեսքով. Գրիշան երազում հայտնվեց մորը՝ ասելով, որ հայրը շատ է տխրում, ժամանակն է, որ նորից ծնող դառնան։

Այդպես էլ եղավ։ Ապրիլի 19-ին լույս աշխարհ եկավ Ռոբերտը՝ 3200 գրամ քաշով և 51 սմ հասակով։

43-ամյա մայրն իր շնորհակալությունն է հայտնել բժշկական անձնակազմին այս կարևոր ճանապարհին իր կողքին լինելու համար։ «Նա Գրիշայի օրհնությամբ է եկել,- ասում է մայրը։

Ռոբերտը ծնվեց՝ որպես հույս, շարունակություն և կենդանի կապ մեծ եղբոր հիշատակի հետ»։

Աղբյուրը` «Շենգավիթ» ԲԿ