Չորեքշաբթի, 01 ապրիլի, 2026 թ.
|
Ստեփանակերտում`   +9 °C

«ԵՄ-ն երբեք չի ճանաչի Ղրիմի թերակղզին` որպես ռուսական». Կայա Կալլաս

«ԵՄ-ն երբեք չի ճանաչի Ղրիմի թերակղզին` որպես ռուսական». Կայա Կալլաս
892
Երեքշաբթի, 22 ապրիլի, 2025 թ., 22:09

Եվրոպական միության դիվանագիտության ղեկավար Կայա Կալլասն ասել է, որ ԱՄՆ-ն չի օգտագործել իր բոլոր գործիքները Ռուսաստանի վրա ճնշում գործադրելու համար և որ Մոսկվան «Զատկի զինադադար է խաղում», իսկ իրականում խաղաղություն չի ուզում:

«Նրանք չեն պահպանել հրադադարի ռեժիմը: Հասկանալի է, որ Ռուսաստանը խաղում է այս բոլոր խաղերը, ժամանակ է ձգում և իրականում խաղաղություն չի ուզում»,- ասել է նա AFP-ին:

Անցյալ շաբաթ ԱՄՆ նախագահ Դոնալդ Թրամփը սպառնացել էր հրաժարվել պատերազմին վերջ տալու ջանքերից, եթե կողմերը չկարողանան առաջընթաց արձանագրել բանակցություններում։

Կալլասի խոսքով, Կիևը և նրա եվրոպացի աջակիցները հույս ունեին, որ Վաշինգտոնը ավելի կոշտ դիրքորոշում կընդունի Մոսկվայի նկատմամբ:

«Նրանք իրենց ձեռքում ունեն գործիքներ, որոնք կարող են օգտագործել Ռուսաստանի վրա ճնշում գործադրելու համար, բայց դրանք չեն օգտագործել»,- ասել է նա։

Նա նաև ասել է, որ Վաշինգթոնի համար սխալ կլինի դիտարկել բռնակցված Ղրիմը՝ որպես Ռուսաստանի տարածք ճանաչելը՝ իբրև խաղաղ համաձայնագրի մաս: Նրա խոսքով՝ ԵՄ-ն երբեք չի ճանաչի թերակղզին՝ որպես ռուսական։

«Ղրիմը Ուկրաինա է»,- հավելել է Կալլասը։