Թրամփը մայիսի 13-16-ը կայցելի Սաուդյան Արաբիա, Կատար և ԱՄԷ

781

Երեքշաբթի, 22 ապրիլի, 2025 թ., 22:59

ԱՄՆ-ի նախագահ Դոնալդ Թրամփը մայիսի 13-16-ը կմեկնի Մերձավոր Արևելք, որի ընթացքում կայցելի Սաուդյան Արաբիա, Կատար և ԱՄԷ։ Այս մասին ճեպազրույցում հայտարարել է Սպիտակ տան մամուլի քարտուղար Քերոլայն Լևիթը։

Մարտին ՌԴ նախագահի մամուլի քարտուղար Դմիտրի Պեսկովը ՏԱՍՍ-ին ասել էր, որ չի կարելի բացառել Սաուդյան Արաբիայում Թրամփի և ՌԴ նախագահ Վլադիմիր Պուտինի հանդիպման տարբերակը, սակայն անձամբ գագաթնաժողովի վայրի մասին դեռ հստակություն չկա։ ԱՄՆ նախագահի հատուկ բանագնաց Սթիվեն Վիտկոֆը Bloomberg-ին տված հարցազրույցում առաջարկել է, որ ռուս-ամերիկյան գագաթնաժողովը կարող է կայանալ Սաուդյան Արաբիայում։ Նա նշել է, որ չի կարող խոսել Պուտինի և Թրամփի փոխարեն, սակայն «իր լավագույն խաղադրույքն այն է, որ դա տեղի կունենա»։