Նիդերլանդները որոշել է արտաքսել Ուկրաինայից ներգաղթած 1700 փախստականի

Նիդերլանդների դատարանը թույլ է տվել արտաքսել Ուկրաինայից ժամանած 1700 փախստականի, հայտնում են տեղական լրատվամիջոցները։

Հաագայի Պետական ​​խորհուրդը որոշում է կայացրել երրորդ երկրների շուրջ 1700 քաղաքացիների վերաբերյալ, ովքեր մինչ 2022 թվականի փետրվարի 24-ը բնակվել են Ուկրաինայում և լքել երկիրը մարտերի պատճառով։ Նրանց թվում կան Ալժիրի, Թուրքիայի և Պակիստանի քաղաքացիներ, ովքեր աշխատել կամ սովորել են Ուկրաինայում։

Նիդերլանդների Պետական ​​խորհուրդն արդեն թույլատրել էր նրանց փախստականի կարգավիճակը և պետական ​​ժամանակավոր պաշտպանությունը չեղյալ համարել 2024 թվականին, սակայն դատական ​​հայցերը կանգնեցրել էին գործընթացը։ Այժմ, Լյուքսեմբուրգի Եվրոպական դատարանի վճռի հաստատումից հետո, ուժի մեջ է մտել արտաքսման որոշումը։

Ներկայում Նիդերլանդներում կա մոտ 118 հազար ուկրաինացի փախստական։