Կիրակի, 02 նոյեմբերի, 2025 թ.
|
Ստեփանակերտում`   +10 °C

«Զելենսկին շարժվում է սխալ ուղղությամբ»․ Սպիտակ տուն

«Զելենսկին շարժվում է սխալ ուղղությամբ»․ Սպիտակ տուն
575
Հինգշաբթի, 24 ապրիլի, 2025 թ., 11:09

ԱՄՆ Սպիտակ տան մամուլի քարտուղար Քարոլին Լևիթը հայտարարել է, որ Ուկրաինայի նախագահ Վլադիմիր Զելենսկին ՌԴ-ի հետ պատերազմի ավարտին հասնելու համար սխալ ուղղությամբ է շարժվում՝ մեջբերելով ԱՄՆ նախագահի հայտարարությունը։

Ավելի վաղ նախագահ Թրամփը, ԱՄՆ-ի կողմից Ղրիմը որպես ռուսական տարածք ճանաչելու մասին տեղեկությունների ֆոնին, հայտարարել էր, որ «ոչ ոք Զելենսկուն չի խնդրում ճանաչել Ղրիմը՝ որպես Ռուսաստանի տարածք, բայց եթե նա ցանկանում է Ղրիմը, ապա ինչու Ուկրաինան դրա համար չպայքարեց 11 տարի առաջ»:

Լևիթը քննադատել է Զելենսկուն բանակցությունները հրապարակայնացնելու համար:

«Ցավոք, նախագահ Զելենսկին փորձում է վիճարկել խաղաղ բանակցությունները մամուլում, և դա անընդունելի է (Թրամփի համար), բանակցությունները պետք է լինեն դռնփակ, նախագահի ազգային անվտանգության թիմը և նրա խորհրդականները զգալի ժամանակ և ջանք են ներդրել՝ փորձելով վերջ տալ այս պատերազմին»,- ասել է Լևիթը։

Նրա խոսքով՝ Թրամփը ցանկանում է, որպեսզի Ուկրաինան և Ռուսաստանը փոխզիջումների գնան և ավարտին հասցնեն պատերազմը:

Ուկրաինական կողմն ավելի վաղ հայտարարել էր, որ Ուկրաինան չի ճանաչի Ղրիմը որպես Ռուսաստանի տարածք, քանի որ Ղրիմի բռնակցումը միջազգային իրավունքի խախտում է։