«Ղրիմի վերաբերյալ Թրամփի հայտարարությունները համընկնում են ՌԴ դիրքորոշման հետ»․ Պեսկով

ԱՄՆ նախագահ Դոնալդ Թրամփի՝ Ղրիմի պատկանելիության վերաբերյալ հայտարարությունները լիովին համընկնում են այս հարցում Ռուսաստանի դիրքորոշման հետ։ Այս մասին ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը։

«Սա լիովին համահունչ է մեր ըմբռնմանը և այն ամենի հետ, ինչը մենք երկար ժամանակ ասում ենք», - ընդգծել է Կրեմլի խոսնակը։

Ավելի վաղ Թրամփը հայտարարել էր, որ The Wall Street Journal-ի առաջին էջում հրապարակված՝ Վլադիմիր Զելենսկու խոսքերն առ այն, որ Ուկրաինան չի ճանաչում Ղրիմը որպես ռուսական, վնասակար են բանակցությունների համար, քանի որ «Ղրիմը կորցրել է (Ուկրաինան) տարիներ առաջ և այդ հարցը նույնիսկ քննարկման առարկա չէ»։