«Գիշերվա ընթացքում գերճշգրիտ զենքերով հարվածներ է հասցվել ռազմական օբյեկտներին»․ ՌԴ ՊՆ

ՌԴ պաշտպանության նախարարությունը հայտարարել է, որ գիշերվա ընթացքում «գերճշգրիտ զենքերով» հարվածներ է հասցրել Ուկրաինայում գտնվող ռազմական օբյեկտներին։

Ըստ ՌԴ ՊՆ-ի՝ «գերճշգրիտ զենքերով գիշերային զանգվածային հարվածն» ուղղված էր «Ուկրաինայի ավիացիայի, հրթիռային, տիեզերական մեքենաշինության և զրահատեխնիկայի արտադրությամբ զբաղվող ձեռնարկություններին»։
Գերատեսչությունը հայտնել է, որ «հարվածների թիրախ հանդիսացող բոլոր օբյեկտները խոցվել են»։

Հիշեցնենք՝ Կիևում ՌԴ զինված ուժերի գիշերային հարվածների հետևանքով 9 մարդ է զոհվել, այդ թվում՝ 2 երեխա։ 77 մարդ վիրավորվել է։ Քաղաքի Սվյատոշինսկի թաղամասում ավերածությունների վայրում փրկարարական աշխատանքներ են իրականացվում։ Ապրիլի 25-ը հայտարարված է սգո օր։