Կիրակի, 13 սեպտեմբերի, 2026 թ.
|
Ստեփանակերտում`   +25 °C

«Զելենսկին հասկանում է, որ Ղրիմը մնում է ՌԴ կազմում»․ Թրամփ

«Զելենսկին հասկանում է, որ Ղրիմը մնում է ՌԴ կազմում»․ Թրամփ
851
Ուրբաթ, 25 ապրիլի, 2025 թ., 15:15

Վլադիմիր Զելենսկին հասկանում է, որ Ղրիմը կմնա Ռուսաստանի կազմում՝ Ուկրաինայի հակամարտության կարգավորման համաձայնագրի շրջանակներում։ Այս մասին հայտարարել է ԱՄՆ նախագահ Դոնալդ Թրամփը՝ Time ամսագրին տված հարցազրույցում։
«Ղրիմը կմնա Ռուսաստանի կազմում։ Եվ Զելենսկին հասկանում է դա, և բոլորն են հասկանում, որ այն (Ղրիմը) երկար ժամանակ նրանց (ռուսներին) էր պատկանում», - ասել է Թրամփը։

Նրա խոսքով՝ Ուկրաինայում հակամարտությունը երկար չի շարունակվի, և ինքը հավատում է, որ Ուկրաինայում խաղաղությունը հնարավոր է իր նախագահության օրոք։

Ինչ վերաբերում է ՆԱՏՕ-ին Ուկրաինայի անդամակցությանը, Թրամփը կարծում է, որ Ուկրաինան երբեք չի կարողանա անդամակցել ՆԱՏՕ-ին։
«Չեմ կարծում, որ նրանք երբևէ կկարողանան միանալ ՆԱՏՕ-ին», - ասել է Թրամփը։

«Ուկրաինական հակամարտության պատճառը հենց ՆԱՏՕ-ին միանալու Կիևի ցանկությունն էր, հավելել է Թրամփը։

Կարդացե՛ք նաև