«ՀՀ Սահմանադրության մեջ փոփոխությունները խաղաղության պայմանագրի ստորագրման նախապայման են»․ Բայրամով

Ադրբեջանի ԱԳ նախարար Ջեյհուն Բայրամովի և Եվրոմիության ԱԳ և անվտանգության քաղաքականության հարցերով բարձր ներկայացուցիչ Կայա Կալլասի միջև հանդիպմանը քննարկվել են Բաքու-Բրյուսել հարաբերությունները, էներգետիկ, առևտրի, տրանսպորտի ոլորտներում գործակցության հեռանկարները:

Ըստ Ադրբեջանի ԱԳՆ հաղորդագրության՝ քննարկվել են նաև տարածաշրջանային անվտանգության հարցեր, ներառյալ՝ հակամարտությունից հետո ստեղծված իրավիճակը:

«Ադրբեջանի վաղեմի և սկզբունքային դիրքորոշումը, համաձայն որի՝ Ադրբեջանի ինքնիշխանության և տարածքային ամբողջականության նկատմամբ հավակնությունները վերացնելու նպատակով Հայաստանի Սահմանադրության մեջ փոփոխություններ կատարելը խաղաղության պայմանագրի ստորագրման նախապայման են», հանդիպմանը հայտարարել է Բայրամովը: