Թրամփի վարկանիշն ամենացածր մակարդակի վրա է

Իր պաշտոնավարման 100-րդ օրը Դոնալդ Թրամփը բախվել է վերջին ժամանակներում ամերիկացի առաջնորդների ամենացածր վարկանիշային մակարդակին. նրա գործունեությունը հավանության է արժանանում ամերիկացիների ընդամենը 44%-ի կողմից։

Սա ավելի քիչ է, քան Բայդենի (54%), Օբամայի (62%) և Բուշ կրտսերի (63%)՝ նույն փուլում ունեցած վարկանիշից, և նաև ավելի վատ է, քան նրա սեփական ցուցանիշն 8 տարի առաջ (45%): Fox News-ի տվյալներով՝ ամերիկացիների 59%-ը դժգոհ է երկրում տիրող իրավիճակից, 71%-ը բացասական կարծիք ունի տնտեսության մասին, իսկ 55%-ը կարծում է, որ իրենց ընտանիքների կենսապայմանները վատանում են։

Հարցվածների միայն 38%-ն է ոգևորված հաջորդ 4 տարիների հեռանկարներով. 2017 թվականին նրանց ցուցանիշը 45% էր:

Բացի այդ, ընտրողների մեծ մասը մտահոգություն է հայտնում քաղաքական բաժանումների, առողջապահության, պետական ​​ծախսերի և ռեցեսիայի սպառնալիքի վերաբերյալ։ Վարկանիշների նոր անկումը հաստատվում է Reuters/Ipsos հարցումներով: