Մարմնամարզիկ Արթուր Դավթյանն աշխարհի գավաթի խաղարկության 6-րդ փուլի եզրափակչում է

1618

Կիրակի, 27 ապրիլի, 2025 թ., 00:36

Օլիմպիական խաղերի արծաթե և բրոնզե մեդալակիր, աշխարհի չեմպիոն, Եվրոպայի կրկնակի չեմպիոն Արթուր Դավթյանը Եգիպտոսի մայրաքաղաք Կահիրեում ընթացող սպորտային մարմնամարզության աշխարհի գավաթի 6-րդ փուլում նվաճել է եզրափակիչ փուլի ուղեգիր։ Այս մասին հայտնում է Հայաստանի մարմնամարզության ֆեդերացիան։

32-ամյա մարզիկը հենացատկի վարժության որակավորման փուլում գրանցեց 14.566 միավոր և զբաղեցրեց առաջին տեղը։ Հիշեցնենք, որ ավելի վաղ օղակներ վարժությունում եզրափակիչ փուլի ուղեգիր էին նվաճել Արթուր Ավետիսյանը և Վահագն Դավթյանը, իսկ նժույգ թափերում՝ Համլետ Մանուկյանը։

Եզրափակիչ փուլը կկայանան ապրիլի 27-ին: