«Իրանում պայթյունը տեղի է ունեցել հրթիռային վառելիքի մեջ օգտագործվող նյութի պատճառով»․ #NYT

841

Կիրակի, 27 ապրիլի, 2025 թ., 09:35

Իրանի Շահիդ Ռաջայի նավահանգստում պայթել է նատրիումի պերքլորատ, որը պինդ հրթիռային վառելիքի հիմնական բաղադրիչն է։ Այս մասին հայտնում է The New York Times-ը՝ հղում կատարելով Իսլամական հեղափոխության պահապանների կորպուսի (IRGC) հետ կապված աղբյուրին։

«Ըստ տեղեկությունների՝ հրդեհը առաջացել է իրանական բալիստիկ հրթիռներում օգտագործելու համար նախատեսված պինդ վառելիքի խմբաքանակի հետ անփույթ վարվելու պատճառով», - Associated Press-ին հայտնել է «Ամբրի» մասնավոր անվտանգության ընկերությունը։

Հունվարին «Ֆայնենշլ Թայմս»-ը հաղորդել էր, որ երկու նավ Չինաստանից Իրան կհասցնեն ավելի քան 1 տոննա նատրիումի պերքլորատ՝ հղում անելով երկու արևմտյան երկրների անվտանգության պաշտոնյաների հետախուզական տվյալներին։ Նրանց տեղեկությունների համաձայն՝ մատակարարումը նախատեսված էր ԻՀՊԿ-ի համար։

լրատվականը նշել է, որ նատրիումի պերքլորատն օգտագործվում է ամոնիումի պերքլորատ արտադրելու համար, որը կազմում է պինդ հրթիռային վառելիքի 70%-ը։ Թերթի աղբյուրների համաձայն՝ ամոնիումի պերքլորատի այս քանակությունը կարող է արտադրել 1300 տոննա վառելիք, որը բավարար է 260 իրանական միջին հեռահարության հրթիռներ վառելիքով ապահովելու համար։

Իրանը չի հաստատել բեռի ստացումը։ ՄԱԿ-ում Իրանի առաքելությունը չի արձագանքել AP-ի մեկնաբանության խնդրանքին։