Չորեքշաբթի, 09 սեպտեմբերի, 2026 թ.
|
Ստեփանակերտում`   +12 °C

ԿԺԴՀ-ն պաշտոնապես հաստատել է, որ զորքեր է ուղարկել ՌԴ

ԿԺԴՀ-ն պաշտոնապես հաստատել է, որ զորքեր է ուղարկել ՌԴ
809
Երկուշաբթի, 28 ապրիլի, 2025 թ., 09:21

ԿԺԴՀ-ն պաշտոնապես հաստատել է Ռուսաստան զորքեր ուղարկելու մասին լուրը, հայտնել է երկրի Կենտրոնական ռազմական հանձնաժողովը։
«Կիմ Չեն Ընը, հիմնվելով ռազմաքաղաքական իրավիճակի վերլուծության և գնահատման վրա, եկել է այն եզրակացության, որ ներկայիս իրավիճակը համապատասխանում է ԿԺԴՀ-ի և Ռուսաստանի միջև համապարփակ ռազմավարական գործընկերության մասին պայմանագրի 4-րդ հոդվածին, և դրա հիման վրա որոշում է կայացրել մեր զինված ուժերն ուղարկել ռազմական գործողություններին մասնակցելու՝ այդ մասին տեղեկացնելով ռուսական կողմին»,- ասվում է հայտարարության մեջ։

Նշվում է, որ ԿԺԴՀ առաջնորդը զորքերի ուղարկումը համարել է «սրբազան առաքելություն»՝ երկու երկրների միջև բարեկամությունն ու միասնությունը ամրապնդելու, դրանց զարգացումն ու բարգավաճումն ապահովելու, ինչպես նաև իր պետության պատիվը պաշտպանելու համար։