Կիրակի, 01 հունիսի, 2025 թ.
|
Ստեփանակերտում`   +27 °C

«Թրամփը ցանկանում է մշտական, այլ ոչ թե ժամանակավոր հրադադար»․ Սպիտակ տուն

«Թրամփը ցանկանում է մշտական, այլ ոչ թե ժամանակավոր հրադադար»․ Սպիտակ տուն
600
Երեքշաբթի, 29 ապրիլի, 2025 թ., 10:45

ԱՄՆ նախագահ Դոնալդ Թրամփը ցանկանում է Ուկրաինայում տեսնել մշտական, այլ ոչ թե ժամանակավոր հրադադար։ Այս մասին հայտարարել է Սպիտակ տան մամուլի քարտուղար Քերոլայն Լիվիթը՝ մեկնաբանելով մայիսի 7-11-ը կրակը դադարեցնելու վերաբերյալ Կրեմլի հայտարարությունը։

Լիվիթն ասել է, որ Թրամփն «ավելի ու ավելի է հիասթափված» Ռուսաստանի և Ուկրաինայի ղեկավարներից, բայց շարունակում է լավատեսություն պահպանել այն հարցում, որ խաղաղության համաձայնագիրը հնարավոր է։

«Նախագահը հստակեցրել է, որ ցանկանում է մարտական ​​գործողությունների երկարաժամկետ դադարեցում։ Նախևառաջ՝ դադարեցնել սպանությունները և արյունահեղությունը»,- ասել է Լիվիթը։

Նա հավելել է, որ «Վլադիմիր Զելենսկու հետ նախագահի վերջին հանդիպումը ցույց տվեց, թե որքան լուրջ է նա ներգրավված այդ գործընթացում և որքան ժամանակ ու ջանք է պատրաստ ներդնել, քանի որ ցանկանում է դառնալ խաղաղարար նախագահ՝ մի բան, որը նրան չհաջողվեց իր նախագահության առաջին ժամկետում: Հիմա նա մտադիր է հասնել այդ նպատակին»: