«WSJ-ի հոդվածը բացահայտ կեղծ է»․ Մասկ

Ամերիկացի գործարար Իլոն Մասկը հերքել է այն տեղեկությունները, որ Tesla-ի տնօրենների խորհուրդը սկսել է ընկերության նոր ղեկավարի որոնումները։
Մասկը «բացահայտ կեղծ» է անվանել Wall Street Journal-ի հոդվածը, ըստ որի, Tesla-ն փորձում է Մասկին փոխարինող գտնել գործադիր տնօրենի պաշտոնում։ Սա, ըստ գործարարի, «էթիկայի կոպիտ խախտում է»։
«Wall Street Journal-ի կողմից ակնհայտորեն կեղծ հոդվածի հրապարակումը և այդ կապակցությամբ Tesla-ի տնօրենների խորհրդի հստակ հերքումը չներառելը էթիկական չափորոշիչների կոպիտ խախտում է», - գրել է Մասկը X սոցիալական ցանցում՝ հավելելով, որ WSJ-ն վարկաբեկում է լրագրությունը։

Ավելի վաղ լրատվամիջոցը հայտնել էր, որ Tesla-ի տնօրենների խորհուրդը «լուրջ մտածում է Մասկի իրավահաջորդ գտնելու մասին», քանի որ ներդրողները նյարդայնացած են, որ Մասկը շատ է կենտրոնացած Սպիտակ տան վրա։