Ուոլցը նշանակվելու է ՄԱԿ-ում ԱՄՆ-ի դեսպան

Սպիտակ տան ազգային անվտանգության գծով խորհրդական Մայք Ուոլցը կնշանակվի ՄԱԿ-ում ԱՄՆ-ի մշտական ​​ներկայացուցիչ, հայտարարել է ԱՄՆ-ի նախագահ Դոնալդ Թրամփը։ «Ուրախ եմ հայտարարել, որ Մայք Ուոլցին կառաջադրեմ Միավորված Ազգերի Կազմակերպությունում ԱՄՆ-ի հաջորդ դեսպանի պաշտոնում»,- գրել է նա Truth Social-ում։

Թրամփը հայտարարել է նաև, որ ԱՄՆ-ի պետքարտուղար Մարկո Ռուբիոն կդառնա ազգային անվտանգության խորհրդականի ժամանակավոր պաշտոնակատար, բայց նաև կշարունակի ծառայել Պետդեպարտամենտում։

Ավելի վաղ Fox News-ը հայտնել էր, որ Ուոլցը և նրա տեղակալ Ալեքս Վոնգը մայիսի 1-ին ազատվել են ԱՄՆ-ի Ազգային անվտանգության խորհրդում իրենց պաշտոններից։ Նա պնդում է, որ Ուոլցի և Վոնգի հեռացումը կապված է Signal-ի վիճահարույց հաղորդագրությունների միջադեպի հետ, որի ընթացքում Մայք Ուոլց անունով օգտատերը ընդհանուր նամակագրությանը միանալու խնդրանք էր ուղարկել The Atlantic-ի գլխավոր խմբագիր Ջեֆրի Գոլդբերգին, ով մարտի 24-ին հոդված էր հրապարակել այդ մասին։