Երկուշաբթի, 28 հուլիսի, 2025 թ.
|
Ստեփանակերտում`   +29 °C

«Անկարան օդային տարածք չի տրամադրել Նեթանյահուի ինքնաթիռի համար». Թուրքիայի ԱԳՆ

«Անկարան օդային տարածք չի տրամադրել Նեթանյահուի ինքնաթիռի համար». Թուրքիայի ԱԳՆ
793
Շաբաթ, 03 մայիսի, 2025 թ., 18:27

Թուրքիան օդային տարածք չի տրամադրել Իսրայելի վարչապետ Բենիամին Նեթանյահուի ինքնաթիռի՝ Ադրբեջան թռիչքի համար։ Այս մասին հայտնել է Թուրքիայի ԱԳՆ խոսնակ Օնջու Քեջելին։

«Պնդումները, թե Իսրայելի վարչապետի ինքնաթիռին թռիչքի թույլտվություն է տրվել, բացարձակապես չեն համապատասխանում իրականությանը: Այս կապակցությամբ մենք որևէ հարցում չենք ստացել», - ասել է Քեջելին։

Թուրքիայի նախագահի վարչակազմին կից ապատեղեկատվության դեմ պայքարի կենտրոնը նույնպես հայտարարել է, որ հանրապետությունը թույլ չի տվել Նեթանյահուի ինքնաթիռին օգտվել իր օդային տարածքից։

«Իսրայելի վարչապետ Բենիամին Նեթանյահուի՝ մայիսի 7-ին Ադրբեջան կատարելիք այցի համար Թուրքիայի օդային տարածքը բացելու մասին խոսք լինել չի կարող», - ասվում է կենտրոնի հայտարարության մեջ։

Կենտրոնը նաև հիշեցրել է, որ «Թուրքիան փակել է իր օդային տարածքն իսրայելական ինքնաթիռների համար՝ կապված Գազայի հատվածում Իսրայելի ցեղասպան քաղաքականության հետ»։