Հինգշաբթի, 27 օգոստոսի, 2026 թ.
|
Ստեփանակերտում`   +21 °C

Սի Ցզինպինը կմասնակցի Մոսկվայում կայանալիք` Հաղթանակի 80-ամյակի տոնակատարությանը

Սի Ցզինպինը կմասնակցի Մոսկվայում կայանալիք` Հաղթանակի 80-ամյակի տոնակատարությանը
3719
Կիրակի, 04 մայիսի, 2025 թ., 18:44

Չինաստանի առաջնորդի պետական ​​այցը Մոսկվա կտևի մայիսի 7-10-ը։ Արտաքին գործերի նախարարության հայտարարության համաձայն՝ Սի Ցզինպինը Ռուսաստան կժամանի Վլադիմիր Պուտինի հրավերով։

ՉԺՀ նախագահից բացի, Մոսկվայում կայանալիք շքերթին կժամանեն առնվազն 18 այլ երկրների ղեկավարներ։ Իրենց մասնակցությունը հաստատածների թվում են Ալեքսանդր Լուկաշենկոն, Բրազիլիայի նախագահ Լուիս Ինասիո Լուլա դա Սիլվան, Կուբայի նախագահ Միգել Դիաս-Կանելին, Վիետնամի նախագահ Տո Լամը և Ղազախստանի նախագահ Կասիմ-Ժոմարտ Տոկաևը։

Սերբիայի նախագահ Ալեքսանդր Վուչիչը և Սլովակիայի վարչապետ Ռոբերտ Ֆիցոն նույնպես հաստատել են շքերթին մասնակցելու իրենց մտադրությունը։ Սակայն մեկ օր առաջ հայտնի դարձավ, որ երկուսն էլ հանկարծակի հիվանդացել են։ Ֆիցոն ավելի ուշ ասել է, որ ինքը, միևնույն է, կգա Մոսկվա։

Շքերթին կմասնակցեն նաև Ադրբեջանի, Հայաստանի, Բուրկինա Ֆասոյի, Վենեսուելայի, Տաջիկստանի, Թուրքմենստանի, Ուզբեկստանի և այլ երկրների առաջնորդները։