«Իրանը կթիրախավորի ցանկացած երկիր, որտեղից կհարձակվեն իր վրա»․ Բաղայի

727

Երկուշաբթի, 05 մայիսի, 2025 թ., 15:33

Իրանի ԱԳՆ խոսնակ Իսմայիլ Բաղային, «Snn.ir»-ի փոխանցմամբ, նախազգուշական ուղերձ է հղել տարածաշրջանի երկրներին:

Ավելի վաղ Իրանի պաշտպանության նախարարն էր սպառնացել էր Միացյալ Նահանգներին ու Իսրայելին։

«Բոլոր երկրները պարտավոր են, միջազգային իրավունքի անվիճելի սկզբունքի համաձայն, կանխել ցանկացած երրորդ կողմի հարձակումն այլ երկրների վրա՝ իրենց տարածքից։ Եթե Իրանի վրա հարձակվեն որևէ երկրի տարածքից, այդ կետը կհամարվի օրինական թիրախ»,- ընդգծել է Բաղային։

ԱԳՆ խոսնակը նշել է, որ Իրանը վճռական է տրամադրված տարածաշրջանի բոլոր երկրների և հարևանների հետ բարեկամական և սերտ հարաբերություններ պահպանելու հարցում: