Մակրոնն ու Սթարմերը ՌԴ-ին կոչ են արել՝ համաձայնել 30-օրյա հրադադարին

691

Երեքշաբթի, 06 մայիսի, 2025 թ., 13:33

Մեծ Բրիտանիայի վարչապետ Քիր Սթարմերը հեռախոսազրույց է ունեցել Ֆրանսիայի նախագահ Էմանուել Մակրոնի հետ, որի ընթացքում առաջնորդները քննարկել են Ուկրաինայում ստեղծված իրավիճակը։

Ինչպես հաղորդում է UNIAN-ը, այս մասին նշված է Մեծ Բրիտանիայի կառավարության կայքում։

Երկու երկրների ղեկավարները կոչ են արել Ռուսաստանին՝ համաձայնել 30-օրյա հրադադարին։

«Անդրադառնալով Ուկրաինայում ստեղծված իրավիճակին՝ առաջնորդները քննարկել են Ռուսաստանի կողմից 30-օրյա հրադադարի համաձայնության անհրաժեշտությունը՝ առարկայական խաղաղ բանակցություններ վարելու համար։ Ուկրաինան ապացուցել է, որ պատրաստ է նստել բանակցությունների սեղանի շուրջ և խաղաղության կողմնակից է»,- ասվում է հայտարարության մեջ։