ՄԱԿ-ի ԱԽ-ն Պակիստանին և Հնդկաստանին կոչ է արել խուսափել ռազմական բախումից

ՄԱԿ-ի Անվտանգության խորհուրդը Պակիստանին և Հնդկաստանին կոչ է արել խուսափել ռազմական հակամարտությունից։ Այս մասին հայտնել են արտասահմանյան լրատվամիջոցները՝ հղում անելով Պակիստանի արտաքին գործերի նախարարության աղբյուրին։

Ըստ աղբյուրի՝ ՄԱԿ-ի ԱԽ-ն կոչ է արել որդեգրել երկխոսության և դիվանագիտության ուղին՝ լարվածությունը մեղմելու և ռազմական բախումից խուսափելու, խնդիրը խաղաղ ճանապարհով լուծելու համար։

Պակիստանը ներկայումս ՄԱԿ-ի Անվտանգության խորհրդի ոչ մշտական ​​անդամ է, մինչդեռ Հնդկաստանն անդամ չէ, սակայն բանակցություններ է վարում մյուս անդամների հետ։