Պուտինը և Փեզեշքիանը քննարկել են իրանա-ամերիկյան բանակցությունները

Ռուսաստանի նախագահ Վլադիմիր Պուտինը և նրա իրանցի պաշտոնակից Մասուդ Փեզեշքիանը հեռախոսազրույցի ընթացքում քննարկել են իրանա-ամերիկյան միջուկային համաձայնագրի շուրջ բանակցությունների ընթացքը։ Այս մասին հայտնել է Կրեմլի մամուլի ծառայությունը։

«Կայացել է կարծիքների փոխանակում միջազգային և տարածաշրջանային արդի հարցերի շուրջ, այդ թվում՝ Իրանի և ԱՄՆ-ի միջև Օմանի միջնորդությամբ իրանական միջուկային ծրագրի շուրջ բանակցությունների ընթացքի վերաբերյալ։

Հաստատվել է ռուսական կողմի պատրաստակամությունը՝ նպաստելու այս երկխոսության առաջխաղացմանը՝ միջազգային իրավունքի սկզբունքների վրա հիմնված արդար համաձայնագրի հասնելու նպատակով»,- ասված է հաղորդագրության մեջ։