Երկուշաբթի, 02 փետրվարի, 2026 թ.
|
Ստեփանակերտում`   +10 °C

«Այն, ինչ արեցինք Ասադի հետ Դամասկոսում, կանենք ձեզ հետ Թեհրանում». Կաց

«Այն, ինչ արեցինք Ասադի հետ Դամասկոսում, կանենք ձեզ հետ Թեհրանում». Կաց
819
Հինգշաբթի, 08 մայիսի, 2025 թ., 10:27

Եմենի «Անսար Ալլահ» շարժման հութի ապստամբների կողմից Իսրայելի տարածքում հարձակումները ծանր հետևանքներ կունենան նրանց և Իրանի համար, զգուշացրել է Իսրայելի պաշտպանության նախարար Իսրայել Կացը։

«Եթե հութիները շարունակեն մեզ ռմբակոծել, ապա Իսրայելը նրանց ուժգին կհարվածի։ Իսրայելի պաշտպանության ուժերը պատրաստ են ցանկացած առաքելության։ Ես նաև զգուշացնում եմ Իրանի ղեկավարությանը, որը ֆինանսավորում, զինում և վերահսկում է հութի ահաբեկչական կազմակերպությանը. միջնորդավորված վերահսկողության համակարգն ավարտվել է, և «չարիքի առանցքը» փլուզվել է, դուք (Իրանի ղեկավարությունը) անմիջական պատասխանատվություն եք կրում հութիների հարձակումների համար։ Այն, ինչ մենք արեցինք «Հեզբոլլահին» Բեյրութում, ՀԱՄԱՍ-ին՝ Գազայում, Ասադին՝ Դամասկոսում և հութիներին՝ Եմենում, մենք կանենք ձեզ հետ Թեհրանում», - գրել է Կացը X-ում։