Լոնդոնում հրդեհ է բռնկվել Մեծ Բրիտանիայի վարչապետի բնակարանում

Լոնդոնի ոստիկանությունը հետաքննություն է սկսել Մեծ Բրիտանիայի վարչապետ Քեյր Սթարմերի տանը մայիսի 12-ին բռնկված հրդեհի հանգամանքների վերաբերյալ։ Այս մասին հաղորդում է The Times-ը։
«Երկուշաբթի՝ մայիսի 12-ին, ժամը 1:35-ին, ոստիկանությանը ահազանգ է ստացվել Լոնդոնի հյուսիսում գտնվող բազմաբնակարան շենքում բռնկված հրդեհի մասին։ Ոստիկանությունը ժամանել է դեպքի վայր։ Հրդեհը վնասել է տան դուռը։ Զոհեր չկան», - մեջբերում է թերթը Սքոթլանդ Յարդի խոսքերը։

Հայտարարության մեջ ասվում է, որ դեպքի վայրում հետաքննություն է ընթանում, իսկ դեպքի վայրը շարունակում է շրջափակված լինել։ Ոստիկանությունը չի հայտնել, թե ինչն է հրդեհի պատճառը, կամ արդյոք միջադեպը դիտարկում են՝ որպես հրկիզում։

Չորս սենյականոց տունը գնահատվում է 2 միլիոն ֆունտ սթերլինգ, Սթարմերը մարել է գույքի հիփոթեքը 2024 թվականին, հաղորդում են լրատվամիջոցները։ Նրա խոսքով՝ Սթարմերը վարձակալության է տրամադրում տարածքը։

Քիր Սթարմերի՝ վարչապետ դառնալուց ի վեր նա և իր կինը բնակվել են բրիտանական կառավարության ղեկավարի՝ Դաունինգ սթրիթի պաշտոնական նստավայրում։