Ռուբիոն կարգավորման թեման քննարկել է Սիբիհայի և ԵՄ մի շարք պաշտոնյաների հետ

ԱՄՆ պետքարտուղար Մարկո Ռուբիոն հեռախոսազրույցի ընթացքում ուկրաինական հակամարտության կարգավորման թեման քննարկել է Ուկրաինայի արտաքին գործերի նախարարության և ԵՄ մի շարք երկրների ղեկավարների հետ, հայտնել է ԱՄՆ պետդեպարտամենտը։
«Պետքարտուղար Մարկո Ռուբիոն այսօր զրուցել է Ֆրանսիայի ԱԳ նախարար Ժան-Նոել Բարոյի, Գերմանիայի ԱԳ նախարար Յոհան Վադեֆուլի, Լեհաստանի ԱԳ նախարար Ռադոսլավ Սիկորսկու, Մեծ Բրիտանիայի ԱԳ նախարար Դեյվիդ Լամմիի, Ուկրաինայի ԱԳ նախարար Անդրեյ Սիբիհայի և ԵՄ գերագույն ներկայացուցիչ Կայա Կալլասի հետ։ Առաջնորդները քննարկել են Ուկրաինայում հրադադարի և խաղաղության հասնելու ուղիները»,- ասվում է հայտարարության մեջ։

Ավելի վաղ Ուկրաինայի նախագահ Վլադիմիր Զելենսկին պատրաստակամություն էր հայտնել աջակցել ԱՄՆ նախագահ Դոնալդ Թրամփի լիակատար և անվերապահ հրադադարի ջանքերին՝ հայտարարելով, որ պատրաստ է հինգշաբթի Ստամբուլում հանդիպել Ռուսաստանի նախագահ Վլադիմիր Պուտինի հետ։