Երկուշաբթի, 23 փետրվարի, 2026 թ.
|
Ստեփանակերտում`   +9 °C

Ռուբիոն և Վիթքոֆը մայիսի 16-ին կմեկնեն Ստամբուլ

Ռուբիոն և Վիթքոֆը մայիսի 16-ին կմեկնեն Ստամբուլ
659
Չորեքշաբթի, 14 մայիսի, 2025 թ., 19:28

ԱՄՆ-ի նախագահի հատուկ ներկայացուցիչ Սթիվեն Վիթքոֆը Դոհայում հայտարարել է, որ ինքը և ԱՄՆ-ի պետքարտուղար Մարկո Ռուբիոն մայիսի 16-ին կմեկնեն Ստամբուլ՝ մասնակցելու Ուկրաինայի հարցով բանակցություններին։ Այս մասին հայտնել է Reuters գործակալությունը։
Մայիսի 11-ին Ռուսաստանի նախագահ Վլադիմիր Պուտինը Կիևի իշխանություններին առաջարկեց առանց նախապայմանների վերսկսել 2022 թվականին ընդհատված ուղիղ բանակցությունները։ Առաջարկվում է երկխոսությունը սկսել մայիսի 15-ին Ստամբուլում։ Իր հերթին, Վլադիմիր Զելենսկին հայտարարեց մայիսի 15-ին Ստամբուլ ժամանելու իր մտադրության մասին։ Նա իր դիրքորոշումը հայտնեց այն բանից հետո, երբ ԱՄՆ-ի առաջնորդ Դոնալդ Թրամփը կոչ արեց Ուկրաինային անհապաղ համաձայնվել Պուտինի առաջարկած բանակցություններին։

Սպիտակ տան խոսնակը մայիսի 13-ին հայտարարել է, որ Ռուբիոն, Վիթքոֆը և Ուկրաինայի հարցերով ԱՄՆ-ի հատուկ ներկայացուցիչ Քիթ Քելոգը մեկնում են Ստամբուլ։