Ուրբաթ, 06 հունիսի, 2025 թ.
|
Ստեփանակերտում`   +20 °C

Գազայում Իսրայելի հարվածներից 43 մարդ է զոհվել

Գազայում Իսրայելի հարվածներից 43 մարդ է զոհվել
339
Հինգշաբթի, 15 մայիսի, 2025 թ., 09:33

Գիշերվա ընթացքում Գազայի հատվածում Իսրայելի կողմից իրականացված ռմբակոծությունների հետևանքով զոհվել է ավելի քան 40 մարդ, հաղորդում է «Al-Jazeera»-ն՝ հղում անելով պաղեստինյան առողջապահական մարմինների աղբյուրներին։
«Գազայի հատվածում Իսրայելի կողմից շարունակվող հարվածների հետևանքով հինգշաբթի առավոտից ի վեր զոհվել է 43 մարդ», - հայտնել են աղբյուրները։

Հեռուստաալիքի տվյալներով՝ ռմբակոծվել են Ղազա և Դեյր էլ-Բալահ քաղաքներում գտնվող թիրախները։ Գազայի հատվածի հարավային մասում գտնվող Խան Յունիսում բնակելի շենքերի վրա հարձակումների հետևանքով զոհվել է ավելի քան 20 մարդ, հարվածներ են հասցվել նաև քաղաքի ծայրամասերում գտնվող թիրախներին։ Ռաֆահ քաղաքը ենթարկվել է հրետանային ռմբակոծության։

Գազայի հատվածի առողջապահության նախարարության վիճակագրության համաձայն՝ մարտի 18-ից, երբ Իսրայելը վերսկսել է հրետակոծությունները, Գազայում զոհվել է ավելի քան 2700 մարդ, վիրավորվել՝ ավելի քան 7800-ը։