ՌԴ-Ուկրաինա բանակցությունները հետաձգվել են մինչև կեսօր

Ռուսաստանի և Ուկրաինայի պատվիրակությունների միջև բանակցությունները կսկսվեն «ճաշից հետո», հաղորդում է «ՌԻԱ Նովոստին»՝ հղում անելով աղբյուրին։

Ավելի վաղ ՏԱՍՍ-ը, հղում անելով աղբյուրին, հայտնել էր, որ բանակցությունները կսկսվեն ժամը 10:00-ին (Երևանի ժամանակով՝ 11,00-ին)։

Հանդիպումը տեղի կունենա Թուրքիայի նախագահի նստավայրում՝ Դոլմաբահչե պալատում, որտեղ 2022 թվականին նույնպես բանակցություններ են անցկացվել ՌԴ-ի և Ուկրաինայի միջև։

Ռուսական պատվիրակությունն արդեն ժամանել է Ստամբուլ։ Կրեմլը երեկ երեկոյան հայտարարել էր, որ այն, ինչպես երեք տարի առաջ, կգլխավորի Ռուսաստանի նախագահի օգնական Վլադիմիր Մեդինսկին։ Մոսկվան կներկայացնեն նաև փոխարտգործնախարար Միխայիլ Գալուզինը, զինված ուժերի գլխավոր շտաբի գլխավոր վարչության պետ Իգոր Կոստյուկովը և պաշտպանության փոխնախարար Ալեքսանդր Ֆոմինը։