«Մեծ Բրիտանիան և Գերմանիան կստեղծեն խորքային ճշգրիտ հարվածի զենք»․ #Reuters

Մեծ Բրիտանիան և Գերմանիան ցանկանում են ստեղծել գերճշգրիտ զենք, հաղորդում է Reuters-ը՝ հղում անելով բրիտանական կառավարությանը։

«Մեծ Բրիտանիան և Գերմանիան համատեղ կմշակեն նոր՝ ավելի քան 2000 կիլոմետր հեռահարության խորքային ճշգրիտ հարվածի զենք», - ասվում է հայտարարության մեջ։

Նշվում է, որ նախագիծը հիմնված է երկու երկրների կողմից 2024 թվականին ստանձնած պարտավորության վրա: Այն ժամանակ Լոնդոնն ու Բեռլինը ստորագրել էին երկկողմ պաշտպանական պայմանագիր և ընդգծել, որ Եվրոպան պետք է կարողանա պաշտպանվել Ուկրաինայում պատերազմի ցանկացած սրացումից:

Մեծ Բրիտանիայի կառավարության հայտարարության մեջ նախագծի ժամկետների կամ բյուջեի վերաբերյալ մանրամասներ չեն հաղորդվել։