«Բանակցություններում Ռուսաստանի պահանջներն անիրատեսական են»․ #Reuters

Ուկրաինական դիվանագիտական ​​աղբյուրը «Reuters»-ին հայտնել է, որ բանակցություններում Ռուսաստանի պահանջներն անիրատեսական են և նախկինում քննարկված կետերի շրջանակներից դուրս են։

Ստամբուլում գտնվող ռուսական պատվիրակությունը պահանջում է, որ Ուկրաինան դուրս բերի իր զորքերը իր տարածքից՝ հրադադարն ապահովելու համար, հավելելով, որ Ռուսաստանի պահանջները ներառում են նաև այլ «անընդունելի պայմաններ», գրում է լրատվամիջոցը։

Հիշեցնենք՝ Ստամբուլում դեռ ընթանում են ՌԴ-Ուկրաինա ուղիղ բանակցությունները։

Բանակցողներին միացել է նաև թուրքական հետախուզության ղեկավար Իբրահիմ Քալընը։